Azərbaycan News Agency

Prezident Zelenski vurğulayıb ki, tərəfdaşlarla birgə həyata keçirilən yeni müdafiə dəstəyi PURL təşəbbüsü artıq konkret nəticələr verir.

Onun sözlərinə görə, bu günə qədər 1,5 milyard dollar öhdəlik götürülüb. “Ukraynanın Prioritet Tələbat Siyahısı təşəbbüsü vasitəsilə NATO üzvləri Ukrayna üçün ABŞ istehsalı silah almaqda əməkdaşlıq edə bilərlər. Bu, həqiqətən müdafiəmizi gücləndirən bir mexanizmdir,” - deyə o bildirib.

Zelenski qeyd edib ki, Hollandiya indiyədək 500 milyon dollar töhfə verib, Danimarka, Norveç və İsveçin birgə öhdəliyi daha 500 milyon dollar təşkil edib və dünən Almaniya əlavə 500 milyon dollar ayırıb. “Bu, çox ciddi dəstəkdir və mən bu mühüm addıma görə Almaniyaya təşəkkür edirəm. Digər ölkələrlə danışıqları davam etdiririk. PURL çərçivəsində hər bir töhfə xalqımızın həyatını qorumaq və ədalətli sülhü yaxınlaşdırmaq imkanımıza birbaşa investisiyadır. Ukraynanın yanında olan bütün müttəfiqlərə təşəkkür edirəm.”