Azərbaycan News Agency

Zelenski bildirib ki, sanksiya siyasəti ilə bağlı hesabat mövcuddur: “Birinci paket yalnız Rusiyada deyil, müxtəlif yurisdiksiyalarda fəaliyyət göstərən 36 şirkət və 5 fiziki şəxsi əhatə edir. Ümumiyyətlə, biz təzyiqlərimizi Rusiyaya qarşı tətbiq olunan qlobal sanksiyalarla uyğunlaşdırırıq.”

Prezident qeyd edib ki, bu gün elan edilən ikinci sanksiya paketi Krımda, Donetsk və Luqansk vilayətlərində Rusiyanın mövcudluğunu aktiv şəkildə dəstəkləyən və işğalçı orduya təchizat verən 106 təşkilatı əhatə edir.

“Üçüncü sanksiya paketi 9 nəfəri əhatə edir ki, onlardan 7-si, təəssüf ki, Ukrayna vətəndaşıdır. Onlar Rusiya dövlət təbliğatı ilə eyni xətt üzrə hərəkət edir, müharibəni legitimləşdirirlər və Ukraynaya və müdafiəmizə zərər vuran aktiv informasiya əməliyyatları həyata keçirirlər. Növbəti sanksiya addımlarının hazırlanması ilə bağlı da göstəriş verdim,” – deyə Zelenski əlavə edib.