ABŞ Yaxın Şərqdən bəzi diplomatları və hərbi ailələri geri çəkir
Vaşinqton, 12 iyun (Hibya) – ABŞ rəsmilərinin və bu prosesləri yaxından izləyən mənbələrin verdiyi məlumata görə, ABŞ Dövlət Departamenti və Müdafiə Nazirliyi çərşənbə günü Yaxın Şərqin müxtəlif bölgələrindən vacib olmayan işçilərin çıxarılması üçün tədbirlərə başlayıb.
Bu qəfil qərarın səbəbi aydın deyil, lakin bir müdafiə rəsmisi ABŞ Mərkəzi Komandanlığının “Yaxın Şərqdə artan gərginliyi” izlədiyini bildirib.
ABŞ Prezidenti Donald Tramp çərşənbə günü Kennedi Mərkəzində keçirilən tədbirdə jurnalistlərə deyib: “Bura təhlükəli yer ola bilər deyə onları çıxarırıq, nə olacağını görəcəyik. Onlar ya çıxarılıb, ya da çıxmaları üçün bildiriş verilib və nə olacağını gözləyirik.”
Regionda artan təhlükəsizlik narahatlıqlarının səbəbləri tam aydın olmasa da, planlaşdırılan bu ayrılmalar Tramp administrasiyasının İranla yeni nüvə razılaşması axtarışlarını davam etdirdiyi bir vaxtda, İran və İsrail arasında son zamanlarda artan gərginliklə üst-üstə düşür.
Bir rəsmiyə görə, Müdafiə naziri Pit Hegseth, Mərkəzi Komandanlığın nəzarətində olan Yaxın Şərq bölgələrindən hərbi ailələrin könüllü çıxışını təsdiqləyib.
Rəsmi bildirib: “Əsgərlərimizin və ailələrinin təhlükəsizliyi bizim əsas prioritetimiz olaraq qalır və ABŞ Mərkəzi Komandanlığı regionda artan gərginliyi diqqətlə izləyir.” CENTCOM-un komandiri general Maykl Kurilla bu gərginliklər səbəbilə cümə axşamı Senat komitəsi qarşısında verməli olduğu ifadəni təxirə salıb.
Azərbaycan İnformasiya Agentliyi
Facebook
Tweeter
Whatsapp
