Azərbaycan News Agency

İranın Xarici İşlər Naziri Seyyid Abbas Aragçi Amerika Birləşmiş Ştatları ilə ikinci raund dolayı danışıqlarda iştirak etmək üçün İtaliyanın paytaxtı Romaya gedib.

İran Xarici İşlər Nazirliyinin sözçüsü İsmayıl Bağayi Tehrandakı Mehrabad hava limanında jurnalistlərə bildirib: “İran və ABŞ arasında ikinci raund dolayı danışıqlar şənbə günü Romada İranın Xarici İşlər Naziri Seyyid Abbas Aragçi və ABŞ-ın Yaxın Şərq üzrə xüsusi nümayəndəsi Stiv Vittkofun rəhbərliyi ilə keçiriləcək.”

Bağayi sözlərini belə davam etdirib:

“İran İslam Respublikasının qeyri-qanuni sanksiyaların ləğvi və nüvə məsələsi ilə bağlı mövqeyi və tələbləri tamamilə aydındır və bu çərçivə danışıqların ilk raundunda qarşı tərəfə açıq şəkildə çatdırılıb. Lakin son günlər ABŞ rəsmilərindən gələn ziddiyyətli açıqlamaları nəzərə alaraq, biz ABŞ tərəfinin ilk növbədə mövqeyini aydınlaşdırmasını və niyyətləri ilə ciddiyyəti barədəki qeyri-müəyyənlikləri aradan qaldırmasını gözləyirik.”