Azərbaycan, Türkiyə və Pakistan liderlərindən Laçına səfər
Laçın, 28 may (Hibya) - Azərbaycan Prezidenti İlham Əliyev, Türkiyə Prezidenti Rəcəb Tayyib Ərdoğan və Pakistan İslam Respublikasının Baş naziri Məhəmməd Şahbaz Şərif Laçın şəhərindəki sahil yolu ilə tanış olublar.
Səfər zamanı Ərdoğan və Şərifə məlumat verilib ki, iki il əvvəl – 28 may tarixində Prezident Əliyev Laçına ilk köçürülən köçkün ailələrinə evlərin açarlarını məhz bu ərazidə təqdim etmişdi.
Liderlərə Laçında fəaliyyət göstərən müxtəlif müəssisələrin məhsullarının təqdim olunduğu sərgi də tanıdılıb. Sərgidə “Laçın” Kənd Təsərrüfatı və Sənaye Parkı, “PIRSHAGHI” ayaqqabı fabriki, “Gilabi Seramik” Yaradıcılıq Mərkəzinin Laçın filialı və “LATIFA” geyim fabrikinə məxsus məhsullar yer alıb. Eyni zamanda “Bakı Peyzaj Xidməti”, aromatik yağ istehsalı müəssisəsi, “Nakışlı” tikiş evi, Laçındakı Heyvandarlıq İslah Mərkəzi və “Hakari” balıqçılıq müəssisəsinin məhsulları da sərgidə nümayiş etdirilib.
Tədbir 28 May - Azərbaycanın Müstəqillik Günü münasibətilə təşkil olunub.
Azərbaycan İnformasiya Agentliyi
Facebook
Tweeter
Whatsapp
