BƏƏ Prezidenti Əl Nəhyan Türkiyəyə rəsmi səfər edəcək
Birləşmiş Ərəb Əmirliklərinin (BƏƏ) Prezidenti Şeyx Məhəmməd Bin Zayed Əl Nəhyan, Prezident Rəcəb Tayyib Ərdoğanın dəvəti ilə 2025-ci il iyulun 16-da Türkiyəyə rəsmi səfər edəcək.
Səfər çərçivəsində 2023-cü ildə yaradılmış Türkiyə–BƏƏ Yüksək Səviyyəli Strateji Şurasının ilk iclası da keçiriləcək. Prezident Kompleksində baş tutacaq görüşlərdə iki ölkə arasında strateji tərəfdaşlığın dərinləşdirilməsinə dair addımlar müzakirə olunacaq.
Həmçinin aktual regional və qlobal məsələlər üzrə geniş fikir mübadiləsi aparılacağı gözlənilir.
Əlaqələr İdarəsinin rəhbəri Burhaneddin Duran bildirib: “Qonaq Prezident və nümayəndə heyəti ilə Prezident Kompleksində keçiriləcək görüşlərdə iki ölkə arasında strateji tərəfdaşlığın dərinləşdirilməsinə yönəlik addımlar müzakirə olunacaq, həmçinin aktual regional və qlobal mövzularda fikir mübadiləsi aparılacaq.”
Azərbaycan İnformasiya Agentliyi
Facebook
Tweeter
Whatsapp
