Bolqarıstanın Yantra və Belitsa çayları güclü yağışlardan sonra kritik səviyyəyə çatıb
Sofiya, 9 oktyabr (Hibya) – Bolqarıstanın Yantra və Belitsa çayları gecə saatlarında qəfil yüksələrək, səhər tezdən Veliko Tırnovo, Kilifarevo və Debelets şəhərlərində daşqın təhlükəsi yarada biləcək kritik səviyyəyə çatıb. Saat 05:00 radələrində su səviyyəsi zirvəyə çatıb və hakimiyyət orqanları həyəcan siqnalı verib.
Yanğınsöndürənlər və polis daxil olmaqla fövqəladə hallar qrupları vəziyyəti izləmək üçün gecə boyu Veliko Tırnovonun ən alçaq bölgələrində növbə çəkiblər.
Bələdiyyə sədri Daniel Panov təhlükəli dərəcədə yüksək su səviyyəsinə baxmayaraq, heç bir yaşayış və ya mədəni binanın su altında qalmadığını və ya zərər görmədiyini təsdiqləyib.
Onun sözlərinə görə, Yantra çayı Veliko Tırnovoda 5,5 metrlik kritik həddin bir qədər altında – 4,5 metr hündürlüyə çatıb.
Panov Bolqarıstan Milli Radiosuna açıqlamasında deyib: “Daşqın təhlükəsi aradan qalxıb.” Lakin o əlavə edib ki, bölgədə Trapezitsa yaxınlığında və Gorna Oryahovitsa yolu boyunca bir neçə torpaq sürüşməsi davam edir. Gözlənilir ki, Yol İnfrastrukturu Agentliyi su səviyyəsi azaldıqdan sonra dağıntıları təmizləyəcək və bütün körpüləri və keçidləri yoxlayacaq.
Azərbaycan İnformasiya Agentliyi
Facebook
Tweeter
Whatsapp
