Azərbaycan News Agency

Prezident İlham Əliyev Vaşinqtonda keçirilən Zirvənin tarixi əhəmiyyət kəsb etdiyini vurğulayaraq, Azərbaycanın regionda sülh gündəminin təşəbbüskarı olduğunu və bölgədə sülhün möhkəmləndirilməsi üçün səylərini davam etdirəcəyini bildirib.

Görüşdə Azərbaycanla Portuqaliya arasında müxtəlif sahələrdə əlaqələrin inkişaf etdirilməsinin, siyasi məsləhətləşmələrin və qarşılıqlı nümayəndə heyəti səfərlərinin davam etdirilməsinin, həmçinin beynəlxalq təşkilatlar çərçivəsində əməkdaşlıq məsələlərinin vacibliyi vurğulanıb.

Bundan başqa, Əliyev Bolqarıstan Respublikasının Baş naziri Rosen Jelyazkov ilə də görüşüb.

Görüşdə enerji sektorunda mövcud uğurlu əməkdaşlıqdan məmnunluq ifadə olunub və bu sahədə əlaqələrin inkişaf etdirilməsi üçün yeni perspektivlərin mövcudluğu qeyd edilib.

Azərbaycanla Bolqarıstan arasında müxtəlif sahələrdə əlaqələrin inkişafına dair fikir mübadiləsi də aparılıb.