Azərbaycan News Agency

İsrail Müdafiə Qüvvələri (İDF) bu gecə Qəzza zolağına humanitar yardım çatdırmaq məqsədilə hava ilə yardım atma əməliyyatının yenidən başlayacağını bildirib.

İDF-nin bəyanatında qeyd olunub: "Yardım əməliyyatı beynəlxalq təşkilatlarla əməkdaşlıq çərçivəsində, Koordinasiya və Əlaqələndirmə İdarəsi (COGAT) və Hərbi Hava Qüvvələrinin rəhbərliyi ilə həyata keçiriləcək. Yardım beynəlxalq təşkilatlar tərəfindən təqdim edilmiş un, şəkər və konserv məhsullarından ibarət yeddi paleti əhatə edəcək. Bundan əlavə, BMT və yardım təşkilatlarının ərzaq və dərman çatdırmaq üçün təhlükəsiz keçidi təmin edən humanitar dəhlizlərin müəyyənləşdirilməsinə qərar verilib."