Azərbaycan News Agency

İsrail Müdafiə Qüvvələrinin bəyanatında bildirilir: "Hərbi Hava Qüvvələrinə məxsus döyüş təyyarələri, iki gün əvvəl Hərbi Hava Qüvvələri və Kəşfiyyat İdarəsinin göstərişi ilə, Livanın dərinliyindəki El-Hermel bölgəsində Hizbullah terror təşkilatının hava birliyində olan və məlumat mənbəyi kimi mühüm rol oynayan Xəlil Məhəmməd Emezi zərərsizləşdirib."

Bəyanatda həmçinin qeyd edilir ki, Hizbullahın hava birliyi partlayıcı pilotsuz uçuş aparatlarının hazırlanması və İsrail ərazisinə hücumların həyata keçirilməsi ilə məşğuldur. İsrail Hərbi Hava Qüvvələri son bir ay ərzində bu birliyə aid onlarla terror hədəfinə hücum edib.