Azərbaycan News Agency

İsrail Müdafiə Qüvvələri (İMQ) tərəfindən verilən açıqlamaya görə, "Gideonun Arabaları 2" əməliyyatı çərçivəsində Qəzza şəhərində manevrlərin genişləndirilməsi və Hamasın terror yuvalarının nəzarətə götürülməsindən sonra, Xan Yunistə humanitar yardım zonası yaradılıb.

Humanitar yardım zonasına müvəqqəti xəstəxanalar, su xətləri, təmizləmə qurğuları və digər kritik infrastruktur obyektləri daxil olacaq. Həmçinin, bu bölgəyə ərzaq, çadır, dərman və tibbi ləvazimatların beynəlxalq ictimaiyyətlə əlaqələndirilib, COGAT vasitəsilə mütəmadi olaraq göndəriləcəyi bildirilib.

Açıqlamada, humanitar yardım səyləri və infrastruktur düzəlişlərinin, BMT və beynəlxalq təşkilatlarla əməkdaşlıq şəraitində, hərbi manevrlərin genişləndirilməsi ilə paralel olaraq davam etdiriləcəyi vurğulanıb.