Azərbaycan News Agency

Ben-Qvir çərşənbə axşamı Vaşinqtondakı ABŞ Konqresi binasında bir qrup etirazçı ilə gərgin mübahisəyə girdi.

Etirazçılar onu "hərbi cinayətkar" və "irqiçi donuz" adlandıraraq soyqırımda iştirak etməkdə ittiham etdilər.

Ben-Qvir ABŞ səfəri zamanı bir neçə dəfə etirazçılar tərəfindən hücuma məruz qaldı. Cümə axşamı, bir etirazçı Manhettendə qapalı bir tədbirə daxil olaraq “Nyu-Yorkdan rədd ol!” deyə qışqırdı. Ben-Qvir Bruklindəki ortodoks yəhudi hərəkatı Chabad-Lubavitch-in mərkəzini ziyarət edərkən etirazçılarla qarşı-etirazçılar arasında toqquşma baş verdi və altı nəfər həbs olundu.

Onun gəlişi ABŞ yəhudi icmasında qarışıq reaksiyalara səbəb oldu. Yale Universiteti yaxınlığındakı yəhudi liderlik təşkilatı Shabtai-nin üç üzvü, quruculardan birinin Ben-Qvir ilə tədbir təşkil etmə qərarından sonra təşkilatdan istefa verdi.

İstefa verənlərdən David Vincent Kimel dedi: "Bu, ağların təşkil etdiyi bir qrupun Ku Klux Klan ilə tədbir keçirməsinə bənzəyir."