Azərbaycan News Agency

Zaxarova daha əvvəl bildirmişdi ki, danışıqlar "hər iki ölkənin diplomatlarının işinə mane olan bir sıra texniki maneələrin aradan qaldırılması üzrə vacib işi davam etdirəcək".

Rusiya Prezidentinin mətbuat katibi Dmitri Peskov isə bildirmişdi ki, məsləhətləşmələr "yalnız ikitərəfli münasibətlərin həlli və normallaşdırılması məsələlərinə" yönələcək.

“Bu danışıqlarda Ukrayna məsələsinin həlli müzakirə olunmur”, - deyə o əlavə edib.

Buna cavab olaraq ABŞ Dövlət Departamentinin sözçüsü Temmi Brüs çərşənbə axşamı bildirib ki, bu görüşün "gündəminə" Ukrayna mövzusu daxil deyil. Onun sözlərinə görə, nümayəndə heyətləri siyasi və təhlükəsizlik məsələlərinə toxunmayacaq.

Bu formatda ilk danışıqlar fevralın sonunda İstanbulda baş tutmuşdu. Rusiya Xarici İşlər Nazirliyinin saytında yerləşdirilən məlumata əsasən, məsləhətləşmələr əhəmiyyətli olmuş və tərəflər bu kanalla dialoqu davam etdirməyə razılaşmışlar.