Kanadanın Baş naziri Karni: ABŞ-la əldə etdiyimiz ticarət üstünlüyünü qorumaqda qətiyyətliyik
Ottava, 22 avqust (Hibya) – Kanadanın Baş naziri Mark Karni, ölkəsinin Amerika Birləşmiş Ştatları ilə ticarət münasibətləri barədə açıqlama verib.
Karni bildirib ki, Kanada hazırda ABŞ-la ən sərfəli ticarət sazişinə malikdir və ixracatın 85 faizinin gömrük rüsumundan azad şəkildə həyata keçirildiyini vurğulayıb.
O, bu üstünlüyü qorumaq məqsədilə yeni addım atdıqlarını açıqlayaraq bildirib ki, ABŞ-Meksika-Kanada Sazişi (CUSMA) çərçivəsində ABŞ mənşəli bəzi məhsullara tətbiq edilən tariflər ləğv ediləcək. Karni qeyd edib ki, bu qərar ABŞ-ın oxşar şəkildə tarifləri ləğv etməsinə cavab olaraq qəbul olunub.
Baş nazir Karni vurğulayıb ki, sözügedən addım iki ölkə arasındakı ticarəti daha da gücləndirmək və Kanada iqtisadiyyatının qlobal rəqabət qabiliyyətini artırmaq məqsədi daşıyır.
Azərbaycan İnformasiya Agentliyi
Facebook
Tweeter
Whatsapp
