Azərbaycan News Agency

Bəyanatda deyilir: "Bu səhər Kazanda PUA hücumu nəticəsində Sovetski, Kirovski və Privoljsk rayonlarında evlərdə yanğın baş verib."

Əvvəlcə bələdiyyə iki rayonda yanğın olduğunu bildirmişdi. Heç bir ölüm faktı qeyd edilməyib.

Bundan başqa, Rusiya aviasiya idarəsi Rosaviatsiya, Kazan hava limanının uçuşlara müvəqqəti bağlandığını elan edib.

Rosaviatsiyanın bəyanatında deyilir: "Mülki təyyarə uçuşlarının təhlükəsizliyini təmin etmək üçün bu səhər, 21 Dekabrda Kazan hava limanının fəaliyyətinə müvəqqəti məhdudiyyətlər tətbiq olunub."

Tatarıstan prezidentinin mətbuat xidməti, PUA hücumu səbəbindən Kazanda həyəcan siqnalının verildiyini bildirib.

"Şəhərdəki PUA hücumu ilə bağlı olaraq, Fövqəladə Hallar Nazirliyi xəbərdarlıq edir, sakinlərdən sakit olmalarını, həyəcan siqnalı zamanı geyinmələrini və birinci mərtəbələrə, zirzəmiyə enmələrini xahiş edir," bəyanatda deyilir.

Mətbuat xidməti həmçinin bildirib ki, operativ qərargah təşkil olunub, Tatarıstan prezidenti Rüstəm Minnixanov hadisə yerinə gəlib və vəziyyətlə bağlı məlumatlandırılıb.