Keçmiş Yunan kralının ailəsi Yunan vətəndaşlığına müraciət etdi
Afina, 22 Dekabr (Hibya) - Keçmiş Yunan kral ailəsinin üzvləri Yunan vətəndaşlığına müraciət ediblər. Yunanıstanda monarxiya 1973-cü ildə ləğv edilmiş və kral ailəsi təxminən iyirmi il sonra vətəndaşlıqdan məhrum edilmişdi.
Yunanıstanın son kralı II Konstantin ötən il vəfat edib.
Yunanıstanın Daxili İşlər Nazirliyi keçmiş Yunan kralının qohumlarının ölkənin demokratik hökumətini tanıyan bəyannamə imzaladıqlarını açıqlayıb.
Kral ailəsi onilliklər boyu sürgündə olub. Keçmiş Yunan kralı 1981-ci ildə yalnız bir neçə saat ölkəyə qayıdaraq anasının dəfn mərasimində iştirak edib. O, həmçinin 2004-cü il Afina Olimpiadasında xüsusi vətəndaş kimi iştirak edib.
Yunan rəsmilər II Konstantinin hansı qohumlarının vətəndaşlıq üçün müraciət etdiyini açıqlamayıblar. Bununla belə, Yunan mediası onların arasında dul həyat yoldaşı, keçmiş Yunanıstan kraliçası Anna Maria, beş övladı və beş nəvəsinin olduğunu iddia edib.
Azərbaycan İnformasiya Agentliyi
Facebook
Tweeter
Whatsapp
