Azərbaycan News Agency

Telegram kanalında yayılan paylaşımda deyilir: “Kiyevdə bir daha partlayış səsləri eşidildi.”

Kiyev hərbi administrasiyasının rəhbəri Tımur Tkaçenko bildirib: “Paytaxtda ölənlərin sayı iki nəfərə yüksəldi”, digər şəhər rəsmiləri isə böyük dron hücumunun baş verdiyini bildiriblər.

Ukraynanın hər yerində hava hücumu siqnalları səsləndi. Partlayışlar Zaporijya, Dnepropetrovsk, Poltava, Çerkassi, Odessa və Sumı bölgələrində də qeydə alınıb.

Hərbi administrasiyanın məlumatına görə, Poltava vilayətinin Mirhorod rayonunda neft və qaz obyektləri zərər görüb. Odessa vilayətinin İzmail şəhərində enerji və liman infrastrukturu zədələnib.

Yerlik qubernator Volodımır Kohut bildirib ki, Poltava vilayətinin şərq hissəsindəki hücumlar neft və qaz obyektlərinə zərər vurub.

Rusiyanın gecə həyata keçirdiyi intensiv hücum, Ukraynanın Rusiyanın Bryansk bölgəsindəki kimya zavodlarını vurduğunu elan etməsindən sonra baş verib.

Son həftələrdə Rusiya Ukraynanın enerji sisteminə hücumların sayını və intensivliyini əhəmiyyətli dərəcədə artırıb, həm elektrik stansiyalarını, həm də qaz obyektlərini hədəfə alıb.