Azərbaycan News Agency

Bu səhər Katoliklərin ruhani lideri və Vatikan Dövlətinin başçısı Papa Fransiskin vəfat etdiyi bildirildi.

UNRWA-nın Baş Komissarı Filip Lazzarini bu münasibətlə başsağlığı verib.

Mesajında belə deyib: “Papa Fransiskin vəfatı məni dərin kədərləndirdi. Qəzzada atəşkəs və bütün girovların azad olunması üçün davamlı və qətiyyətli dəstəyi daim hiss olunurdu. Onun səsi Qəzzada və ondan kənarda müharibənin yaratdığı dərin qeyri-insani vəziyyətlərə diqqət yetirilməsinə kömək etdi. Papa Fransisklə tanış olmaq mənim üçün böyük bir şərəf idi. Fələstinli qaçqınlara və UNRWA-ya göstərdiyi dəstəyə görə ona və Vatikan (Müqəddəs Taxt-Tac) rəhbərliyinə dərin minnətdarlığımı bildirirəm.”