Azərbaycan News Agency

UNRWA Baş Komissarı Lazzarini humanitar işçilərin Qəzzada və işğal olunmuş Fələstin torpaqlarının digər yerlərində törədilən vəhşiliklər barədə xəbər verməsinin qadağan olunduğunu vurğulayıb.

BMT-nin işğal olunmuş Fələstin torpaqlarındakı Humanitar İşlər Koordinasiya Ofisinin həmkarlarına viza verilməməsinin məhdudiyyətlərin sonuncusu olduğunu ifadə edən Lazzarini deyib: “Müharibənin başlanğıcından bəri İsrail hakimiyyətləri BMT-nin humanitar koordinatorları, BMT qurumlarının rəhbərləri və beynəlxalq QHT əməkdaşları daxil olmaqla BMT heyətinin vizalarını getdikcə daha çox rədd edir və ya yeniləmirlər. Eyni zamanda, İsrail insan haqları təşkilatlarının susdurulması üçün hüquqi məhdudiyyətlər də qəbul edilib.”

Lazzarini UNRWA-nın beynəlxalq heyətinə təxminən altı aydır viza verilmədiyini qeyd edib: “Beynəlxalq Ədalət Məhkəməsinin qərarından sonra 2024-cü ilin mart ayından bəri Qəzzaya, 2024-cü ilin iyun ayından bəri isə Şərqi Qüds də daxil olmaqla Qərb Şəriyaya giriş icazəsi ala bilməmişəm. Humanitar işçilərə Fələstinli həmkarlarının işinə dəstək ola bilmələri üçün viza verilməlidir. Beynəlxalq medianın Qəzzaya girişinin qadağan olunması ilə birlikdə, bu viza rədd edilməsi yanlış məlumatların yayılmasını dərinləşdirir və Qəzza xalqının insanlıqdan çıxarılmasını artırır.”