Azərbaycan News Agency

Prezident Makron, girovların azad olunmasını və Qəzzada atəşkəs razılaşmasını alqışlayaraq, bu razılaşmaya nail olmaq səylərinə görə ABŞ Prezidenti Donald Trampı, eləcə də Qətər, Misir və Türkiyə vasitəçilərini yüksək qiymətləndirdiyini bildirib.

Bütün tərəfləri razılaşmanın müddəalarına tam şəkildə əməl etməyə çağıran Makron deyib: “Bu razılaşma, müharibənin başa çatdığının və iki dövlətli siyasi həll yoluna qapı açıldığının bir göstəricisi olmalıdır.”

Makron vurğulayıb ki, Fransa bu məqsədə nail olmağa töhfə verməyə hazırdır və bu gün günortadan sonra Parisdə beynəlxalq tərəfdaşları ilə məsələni müzakirə edəcəyini açıqlayıb.