Azərbaycan News Agency

Bu səhər Katoliklərin ruhani lideri və Vatikan Dövlətinin başçısı Papa Fransiskin vəfat etdiyi bildirildi.

Monteneqro Prezidenti Yakov Milatoviç Papa Fransisklə bağlı anma mesajı yayımlayıb.

Milatoviç mesajında belə deyib: “Papa Fransiskin vəfatı xəbəri məni dərin kədərləndirdi. 2024-cü ilin mart ayında Vatikana etdiyim səfər zamanı onunla görüşmək şərəfinə nail oldum. Onun sülhpərvər ruhu, müdrikliyi və dialoqa, insanlığa olan dərin bağlılığı məndə güclü təəssürat yaratdı. Papa Fransisk bütün dünyadakı inanclıların qəlbinə ilham verən bir mənəvi lider idi. Onun imanı, təvazökarlığı və sülh, ədalət və hər bir insanın ləyaqəti uğrunda yorulmadan apardığı mübarizə silinməz iz buraxacaq. Monteneqro xalqı və şəxsən öz adımdan Katolik Kilsəsinə, Monteneqro və bütün dünyadakı katolik inananlara dərin hüznlə başsağlığı verirəm. Ruhu şad olsun.”