Monteneqro Baş naziri Spajiç: 2026-cı ildən etibarən Aİ ölkələri ilə pulsuz rouminq başlayır
Podqoritsa, 16 sentyabr (Hibya) – Monteneqronun Baş naziri Miloyko Spajiç bildirib ki, 2026-cı ildən etibarən Monteneqro vətəndaşları Avropa İttifaqı (Aİ) ölkələrində pulsuz rouminq xidmətindən istifadə edə biləcəklər.
Spajiç sosial media hesabında yazıb: “2026-cı ildən Monteneqro vətəndaşları üçün Aİ ölkələrində pulsuz rouminq başlayır — Avropada öz evindəyimiş kimi!”
Baş nazir əlavə edib ki, SEPA sisteminə keçidlə xaricə pul göndərmək və almaq əməliyyatları daha ucuz, daha sürətli və daha asan olub, həmçinin Avropa şəhərlərinə 14 yeni uçuş xətti açılıb.
Spajiç qeyd edib ki, bu nailiyyətlər Monteneqronun Avropa ilə inteqrasiyasını sürətləndirir: “Bu addımlar insanları bir-birinə yaxınlaşdırır, bazarımızı Avropa bazarına inteqrasiya edir və iqtisadi artımı stimullaşdırır.”
Azərbaycan İnformasiya Agentliyi
Facebook
Tweeter
Whatsapp
