Azərbaycan News Agency

Özbəkistanın xarici işlər naziri Bəxtiyor Saidov Avropa İttifaqının Xarici Əlaqələr və Təhlükəsizlik Siyasəti üzrə Ali Nümayəndəsi Kaja Kallas ilə görüşdüyünü bildirib.

Saidov qeyd edib ki, görüş zamanı regional inkişafın davamlılığının təmin edilməsi, Mərkəzi Asiya ilə Avropa arasında yeni körpülərin qurulması və Özbəkistanla Avropa İttifaqı arasındakı mövcud tərəfdaşlığın daha da gücləndirilməsi məsələlərinə diqqət yetirilib. O əlavə edib:

“Həmçinin əlaqəlilik, yaşıl keçid, innovasiya və təhsil kimi yeni və perspektivli sahələrdə əməkdaşlığımızı genişləndirmək imkanlarını da müzakirə etdik.”