Azərbaycan News Agency

Pakistan Xarici İşlər Nazirliyi bildirib ki, bu cür bəyanatlar İsrailin qanunsuz işğalını möhkəmləndirmək niyyətini, həmçinin bölgədə davamlı sülh və sabitlik yaratmağa yönəlmiş bütün beynəlxalq səylərə tamamilə hörmətsizlik etdiyini əks etdirir.

Nazirlik beynəlxalq ictimaiyyəti işğalçı qüvvənin regionu daha da qeyri-sabitləşdirməsinin qarşısını almaq və fələstinlilərə qarşı davam edən cinayət və zülmə son qoymaq üçün təcili və konkret tədbirlər görməyə çağırıb.

Pakistan, Fələstin xalqının öz müqəddəratını təyinetmə hüququ və 1967-ci ildən əvvəlki sərhədlər əsasında paytaxtı Qüds olan müstəqil, yaşamağa qadir və bitişik Fələstin dövlətinin yaradılması da daxil olmaqla, qanuni hüquqlarına tam dəstəyini bir daha təsdiqlədi.