Pakistanda hökumətin səmərəliliyi müzakirə edildi
İslamabad, 1 noyabr (Hibya) – Pakistanın Baş nazir müavini və xarici işlər naziri Məhəmməd İshaq Dar hökumətin ümumi səmərəliliyini, xüsusilə xarici diplomatik missiyaların fəaliyyətini qiymətləndirmək məqsədilə nazirliklərarası yüksək səviyyəli komitə iclasına sədrlik edib.
Komitə tərəfindən hazırlanmış hesabatın təqdimatı zamanı Dar Pakistanın diplomatik təsirinin gücləndirilməsinin, xaricdəki missiyaların fəaliyyətinin milli strateji hədəflərlə tam uyğunlaşdırılmasının və nazirliklərarası koordinasiya və sinerji vasitəsilə institusional fəaliyyətin artırılmasının vacibliyini vurğulayıb.
İclasda neft naziri, dəmir yolları üzrə dövlət naziri, Milli Məclisin Xarici əlaqələr komitəsinin sədri, Baş nazirin xüsusi müşaviri Tariq Bajwa, Xarici İşlər Nazirliyinin daimi katibi Amna Baloch, eləcə də Nazirlər Kabineti, Daxili İşlər, Ticarət, Kadrlar, İnsan Resursları və İqtisadi İşlər nazirliklərinin katibləri, həmçinin Maliyyə və İnformasiya nazirliklərinin nümayəndələri iştirak ediblər.
Azərbaycan İnformasiya Agentliyi
Facebook
Tweeter
Whatsapp
