Azərbaycan News Agency

Rusiya Prezidenti Vladimir Putin Moskvada keçirilən Qələbə Günü tədbirlərində bəyanat verib.

Putin çıxışında bunları qeyd edib:

"Hamınızı bir daha Böyük Qələbə Günü münasibətilə təbrik etmək istəyirəm! Düşünürəm ki, hər kəs üçün aydındır ki, Moskvada aparılan danışıqlar və görüşlər eyni zamanda Ukraynadakı münaqişənin həlli məsələsini də gündəmə gətirdi. Atəşkəs istiqamətində addımlar atmağı dəfələrlə təklif etmişik. Ukrayna tərəfi ilə dialoqa girməkdən heç vaxt imtina etməmişik. Gələn cümə axşamı, 15 may tarixində daha əvvəl keçirilib yarımçıq qalmış İstanbulda danışıqlara dərhal başlanmasını təklif edirik. Bildiyiniz kimi, türkiyəli həmkarlarımız bu cür danışıqların təşkili üçün dəfələrlə yardım təklif ediblər və Prezident Ərdoğan bu görüşlərin baş tutması üçün çox səy göstərib. Bu danışıqlar nəticəsində ortaq bir sənəd layihəsi hazırlanmış və Kiyev danışıqlar heyətinin rəhbəri tərəfindən paraflanmışdı, lakin Qərbin israrı ilə bu sənəd kənara qoyuldu. Sabah Türkiyə Prezidenti cənab Ərdoğanla görüşümüz olacaq. Ondan xahiş etmək istəyirəm ki, bu cür danışıqlara bir daha ev sahibliyi etmək imkanı yaratsın. Ümid edirəm ki, Ukraynada sülhün bərqərar olması üçün göstərdiyi səyləri davam etdirəcək."