Azərbaycan News Agency

Rusiya Prezidenti Vladimir Putin Cənubi Afrika Respublikasının Prezidenti Cyril Ramaphosaya ölkənin milli bayramı - Azadlıq Günü münasibətilə təbrik mesajı göndərib.

Putin mesajında qeyd edib: "Ölkələrimiz arasındakı münasibətlər yüksək səviyyədədir və bu, ötən il Kazanda keçirilən BRİKS Sammiti zamanı birgə fəaliyyətimizlə tam təsdiqlənmişdir. Rusiya və Cənubi Afrika ticarət və iqtisadiyyat, elmi-tədqiqat, humanitar sahələr və digər bir çox sektorda fəal əməkdaşlıq edir, həmçinin regional və qlobal gündəmdəki aktual məsələlər üzrə koordinasiyalı şəkildə çalışır. Əminəm ki, Rusiya ilə Cənubi Afrika arasındakı strateji tərəfdaşlığı hərtərəfli şəkildə inkişaf etdirməyə davam edəcəyik. Bu, dost xalqlarımızın maraqlarına tam uyğundur və beynəlxalq təhlükəsizlik və sabitliyin möhkəmləndirilməsinə xidmət edir."