Qebreyesus: Fövqəladə halların psixi sağlamlığa təsiri çox vaxt nəzərə alınmır
Cenevrə, 10 oktyabr (Hibya) – Ümumdünya Səhiyyə Təşkilatının (ÜST) Baş direktoru Tedros Adhanom Qebreyesus Dünya Psixi Sağlamlıq Günü münasibətilə verdiyi açıqlamada qeyd edib ki, müharibələr və pandemiyalar sona çatır, lakin onların psixoloji təsirləri çox vaxt müalicə olunmur.
ÜST-nin Baş direktoru Qebreyesus deyib: “Müharibələr və pandemiyalar nəhayət bitir. Yaralar sağalır. Evlər yenidən qurulur. Lakin fövqəladə halların psixi sağlamlığa təsiri çox vaxt nəzərə alınmır və müalicə edilmir.”
O xatırladıb ki, ÜST-nin bu ilki Dünya Psixi Sağlamlıq Günü proqramı humanitar fövqəladə hallarda psixi sağlamlıq məsələsinə diqqət yetirib. “İnsanların yemək, su və dərmanla yanaşı, çətinliklərə dözmək, sağalmaq və yenidən qurmaq üçün psixoloji və sosial dəstəyə də ehtiyacı var,” – deyə əlavə edib.
Azərbaycan İnformasiya Agentliyi
Facebook
Tweeter
Whatsapp
