Azərbaycan News Agency

ÜST Baş direktoru Qebreyesus qeyd edib ki, Qəzzada atəşkəs razılaşmasının təsdiqlənməsi milyonlarla fələstinli və yaxınlarının azad edilməsini gözləyən israilli ailələr üçün yeni ümid gətirib.

O vurğulayıb ki, ÜST Qəzzada səhiyyə xidmətlərinin davamlılığına diqqət yetirməyə, tibb işçilərinə dəstək olmağa və səhiyyə sistemini yenidən quraraq həm erkən bərpanı, həm də uzunmüddətli dayanıqlılığı gücləndirməyə davam edəcək.

Qebreyesus əlavə edib ki, tibbi ləvazimatların çatdırılması və təcili tibbi yardım qruplarının qayğı nöqtələrinə çıxışının təmin edilməsi prioritet məsələdir. O, kritik vəziyyətdə olan xəstələrin Qəzza xaricində müalicəsi üçün dəhlizlərin yaradılmasının vacibliyini vurğulayıb. Qebreyesus həmçinin Qəzza boyunca psixi sağlamlıq xidmətlərinə maneəsiz çıxışın təmin edilməsinin əhəmiyyətinə diqqət çəkib.

Qebreyesus bəyanatını bu sözlərlə tamamlayıb: “İndi vədimizi yerinə yetirək və davamlı sülh naminə birlikdə çalışaq. Sülh ən yaxşı dərmandır.”