Azərbaycan News Agency

ÜST baş direktoru Tedros Adhanom Qebreyesus, Kamboca ilə Tayland arasında əldə olunmuş atəşkəs razılaşmasını məmnunluqla qarşıladıqlarını bildirib.

Qebreyesus bildirib ki, son zamanlar artan zorakılıq hər iki tərəfdəki mülki vətəndaşlar üçün ciddi nəticələrə səbəb olub: “Həlak olanlar və yaralananlar barədə məlumatlar var, on minlərlə insan öz evlərindən didərgin düşüb. Hər iki ölkədə səhiyyə müəssisələrinin bağlanması tibbi xidmətlərə çıxışı da mənfi təsirə məruz qoyub. Hər iki hökumətə müraciət edirik ki, səhiyyə müəssisələrinin, tibb işçilərinin və əsas tibbi xidmətlərə çıxışın daim qorunmasını təmin etsinlər. Ən yaxşı dərman sülhdür.”