Azərbaycan News Agency

İsrail Xarici İşlər Nazirliyi Avropa Komissiyasının İsrailin Horizon Proqramının bir komponentində iştirakını məhdudlaşdırmaq tövsiyəsini tənqid edib və onu səhv, üzücü və əsassız hesab edib.

“İsrail Həmasın cihadçı terrorizminə qarşı mübarizə apararkən belə bir qərar yalnız Həması gücləndirər və atəşkəsə nail olunması və girovların azad olunması ehtimalını azaldar. İsrail bu tövsiyənin Aİ Xarici Əlaqələr Şurası tərəfindən qəbul edilməməsi üçün çalışacaq və ümid edirik ki, belə də olacaq. Hər bir halda, söhbət milli maraqlardan gedirsə, İsrail heç bir təzyiqə boyun əyməyəcək,” – deyə bəyanatda qeyd olunub.