Azərbaycan News Agency

Əldə olunan məlumata görə, ən azı 66 fələstinli öldürülüb, 100-dən çox insan yaralanıb. Bildirilir ki, bir çox insan hələ də dağıntılar altında qalır və hədəf alınan binalar çox sayda mülki şəxsin yaşadığı yerlərdir.

Aljazeera xəbər verir ki, şimaldan mülki vətəndaşların qaçdığı Qəzza şəhəri də hədəfə alınıb. Şeyx Rədvan məhəlləsində bir ailəyə məxsus çoxmərtəbəli bina dağıntılara çevrilib. Ən azı 22 fələstinlinin öldüyü təsdiqlənib.

Bundan əlavə, Qəzzanın mərkəzi və cənubunda hava hücumları güclənib. Məcburi köçkünlərə sığınacaq verən Nuseyrat qaçqın düşərgəsində bir məktəbdə yeddi nəfər öldürülüb.

Aljazeera-nın müxbiri Tareq Abu Azzoum Qəzzanın mərkəzi Deir əl-Balah bölgəsindən bildirdi: "Bu inanılmaz dərəcədə qanlı bir gecə idi. İsrail ordusu hərbi hücumuna davam etməkdə qərarlıdır. Bura tanınmaz bir xarabalığa və insan əzablarının toplandığı bir yerə çevrildi."