Azərbaycan News Agency

Quterreş Qəzzada yardım axtararkən öldürülən və yaralanan fələstinlilər barədə xəbərlərdən dəhşətə gəldiyini bildirib və fələstinlilərin ərzaq üçün həyatlarını təhlükəyə atmasının qəbuledilməz olduğunu vurğulayıb.

Hadisələrin dərhal və müstəqil araşdırılmasını və məsul şəxslərin cavab verməsini tələb edən Quterreş bildirib:

“İsrail beynəlxalq humanitar hüquqa əsasən humanitar yardımı qəbul etmək və onu asanlaşdırmaq öhdəliyinə malikdir. Qəzzadakı böyük ehtiyacların qarşılanması üçün geniş miqyaslı yardımın maneəsiz daxil olması dərhal bərpa edilməlidir. BMT humanitar prinsiplərə tam hörmət şəraitində təhlükəsiz və əmin-amanlıq içində fəaliyyət göstərmək imkanı əldə etməlidir.”

Quterreş təcili, davamlı və sabit atəşkəs çağırışını təkrarlayaraq bildirib: “Bütün girovlar dərhal və qeyd-şərtsiz azad edilməlidir. Bu, hamı üçün təhlükəsizliyi təmin etməyin yeganə yoludur. Bu münaqişənin hərbi həlli yoxdur.”