Azərbaycan News Agency

Zelenski qeyd edib ki, Ukraynanın tam atəşkəs və hücumların dayandırılması ilə bağlı razılaşmasından 44 gün keçib: “Bu, ABŞ-dan gələn təklif idi. 44 gündür Rusiya xalqımızı öldürməyə davam edir və ciddi təzyiq və məsuliyyətdən yayınır.”

O, dünyanın baş verənləri görməsi və başa düşməsinin vacibliyini vurğulayıb:

“Təəssüf ki, böyük dağıntılar var. Xilasetmə əməliyyatları davam edir, yaşayış binalarının dağıntıları təmizlənir. Hazırda Ukrayna üzrə 80-dən çox yaralı var. Hamıya lazımi yardım göstərilir. Təəssüf ki, Kiyevdə 9 nəfər həyatını itirib. Ailələrinə və yaxınlarına başsağlığı verirəm.”

Ukrayna Xarici İşlər Nazirliyindən verilən açıqlamada bildirilib: “Rusiya məhz bunu istəyir: daha çox qətl, daha çox dağıntı, daha çox qorxu. Bu müharibəni yalnız təzyiq və güc dayandıra bilər. Çünki zəiflik və terrorçulara güzəşt onların şərini daha da artırır.”