Azərbaycan News Agency

Sıbıha bildirib ki, Kiyev güclü bombardman altındadır, yaşayış məntəqələri hədəfə alınıb, azı 6 nəfər həlak olub, çox sayda yaralı var.

“Putin Yaxın Şərqdəki hücumlar barədə danışarkən, Rusiya Avropada ABŞ-ın sülh cəhdlərini rədd edir və Ukraynada öldürməyə davam edir”, — deyə Sıbıha bildirib və əlavə edib:

“Putin bu cür vəhşi hücumları qəsdən həyata keçirir ki, ABŞ-ı zəif göstərsin. Rus terrorunu dayandırmağın yeganə yolu güclə cavab verməkdir. Rusiyanın iqtisadiyyatına və neft gəlirlərinə qarşı yeni və sərt sanksiyalar tətbiq olunmalı, həmçinin Rusiya müharibəsinə dəstək verənlərə qarşı ikinci dərəcəli sanksiyalar da olmalıdır. Ukraynaya əlavə müdafiə qabiliyyətləri — xüsusilə hava hücumundan müdafiə sistemləri, raketlər, artilleriya sursatları və Ukrayna müdafiə sənayesinə investisiyalar təmin edilməlidir.”