Azərbaycan News Agency

Sıbıha, Türkiyə Xarici İşlər naziri Hakan Fidanı Kiyevdə qəbul edib.

Türkiyənin Ukraynaya verdiyi dəstəyə və sülhü təşviq etmək üçün göstərdiyi səmimi səylərə görə təşəkkür edən Sıbıha deyib: “Fidanın Moskvadakı görüşlərinin nəticələri barədə məni məlumatlandırmasını yüksək qiymətləndirirəm. Müharibənin dayandırılması üçün atılacaq növbəti addımları müzakirə etdik.”

O qeyd edib ki, Ukrayna uzunmüddətli atəşkəsə hazırdır: “Rusiya da tam və qeyd-şərtsiz atəşkəsi qəbul etməlidir. Moskva atəşkəsi və səmərəli sülh səylərini rədd etməyə davam etdikcə, ona qarşı beynəlxalq təzyiqlər artırılmalıdır.”

Sıbıha, Qara dəniz bölgəsində sülh və təhlükəsizliyin möhkəmləndirilməsində Ukrayna-Türkiyə strateji tərəfdaşlığının roluna və ikitərəfli əməkdaşlığa diqqət çəkərək deyib: “Ukraynanın suverenliyi və ərazi bütövlüyü, Krımın qaytarılması və Krım tatarlarının hüquqlarının təmin edilməsi istiqamətində göstərdiyi səylərə görə Türkiyəyə təşəkkür edirəm.”