Azərbaycan News Agency

Baş nazir Spajiç qeyd edib ki, Dünya Media Azadlığı Günü media azadlığının əsas prinsiplərini və onun müstəqilliyinin qorunmasını qeyd etdiyimiz bir gündür.

Spajiç bildirib ki, Monteneqro dünyada 180 ölkə arasında 37-ci yerdə qərarlaşıb: “Bununla da ölkəmiz Balkanlarda birinci yerdədir və hətta ABŞ da daxil olmaqla on Aİ ölkəsindən daha yaxşı mövqedədir. Bu, qürurla daşıdığımız bir məsuliyyətdir, çünki bu, bütün vətəndaşlar üçün ifadə azadlığı deməkdir!”

Spajiç qeyd edib ki, daha yaxşı standartlar, əməyə daha az vergi, Avropa standartlarına uyğun təkmilləşdirilmiş qanunvericilik və tənqidə qarşı tam tolerantlıq hər kəs üçün daha çox hüquq və azadlıqla nəticələnmişdir və əlavə edib:

“Buna görə də Monteneqronun Media Azadlığı İndeksində irəliləyişi təşviqedicidir, lakin media peşəkarlarının işlədiyi mühiti yaxşılaşdırmağa davam etmək əzmindəyik. Jurnalistlərə edilən hücumların məsul şəxslərinin mühakimə olunması sahəsində səylərimiz təqdir edilsə də, Monteneqro müasir bir dövlət olaraq jurnalistlərin gündəlik təhqir və təhdidlərə məruz qaldığı onlayn mühitdə lazımi qorumanı təmin etməlidir. Bütün media nümayəndələrini Dünya Media Azadlığı Günü münasibətilə təbrik edir və onların peşəkarlıqları ilə cəmiyyətin daha da demokratikləşməsinə töhfə verməyə davam etmələrini arzulayıram.”