Azərbaycan News Agency

Niderland Baş naziri Sxof Qəzzədə atəşkəs razılaşmasının elan edilməsini uzun müddətdir gözlənilən dönüş nöqtəsi kimi qiymətləndirib.

O bildirib ki, bu razılaşma girovlar, onların ailələri və Qəzza xalqı da daxil olmaqla bir çox insanın əzablarına son qoya bilər. “İndi razılaşma mümkün qədər tez həyata keçirilməlidir; bütün girovlar azad edilməli və Qəzzaya humanitar yardım əhəmiyyətli dərəcədə artırılmalıdır. Bu razılaşma davamlı və ədalətli sülhə doğru atılmış addım olmalıdır,” – deyə Sxof vurğulayıb.

Sxof ABŞ Prezidenti Donald Trampa sülh planına görə, həmçinin Misir, Qətər və Türkiyəyə səylərinə görə təşəkkür edib.