Azərbaycan News Agency

Donald Tramp ilk böyük beynəlxalq səfərini Səudiyyə Ərəbistanına edib və ABŞ-Səudiyyə Ərəbistanı İnvestisiya Forumunda çıxış edib.

Onun çıxışından bəzi əsas məqamlar:

"Səudiyyə Ərəbistanı Krallığına qayıtmaq və bu şəkildə qarşılanmaq mənim üçün böyük şərəfdir. ABŞ-Səudiyyə Ərəbistanı münasibətləri bu gün hər zamankindən daha güclüdür və belə də qalacaq.

Yaxın Şərq haqqında gözəl şeylər danışacağıq. 3 ay ərzində bizim administrasiyamız əvvəlki hökumətlərin 4, hətta 8 ilə edə bilmədiyini həyata keçirdi. Vəzifəyə başladığım gün böyük bir istilayla üzləşdik.

Cəmi bir neçə gün ərzində qeyri-qanuni girişləri 99.9% azaltdıq. Bu il yalnız 3 nəfər daxil olub. Biz onları ölkədən çıxarmalı idik.

Biz Amerika ruhunu yenidən bərpa edirik. Təxminən bir il əvvəl heç kim ABŞ ordusuna yazılmaq istəmirdi.

Xüsusilə son 4 ildə hər şey səhv idi. İndi hər şeyi düz yola salırıq.

Birləşmiş Krallıqla tarixi bir razılaşma əldə etdik, Çinlə də razılıq əldə olunub, indi detalları üzərində işləyirik. Çin ABŞ-la ticarət sərhədlərini açmağa razılaşıb. Çox yaxşı bir görüşümüz oldu.

ABŞ hazırda tarixdə görünməmiş ən böyük vergi endirimləri üzərində işləyir. Əgər buna nail olsaq, ölkəmiz raket kimi qalxacaq.

Bizə yüksək gömrük rüsumları tətbiq edən ölkələr artıq uduzmağa başlayıb. Noyabrda möhtəşəm bir qələbə qazandıq.

Amerika xəritəsini respublikaçıların qırmızı rənginə boyadıq. Apple 500 milyard dollar sərmayə yatırır. ABŞ uzun illər səhv yol izləyib, indi isə yüksəliş dövrünə daxil olmuşuq.

Var-dövlət qazanmaq üçün ABŞ-dən daha yaxşı bir yer yoxdur. Sağlamlıq sahəsində 50-90% arasında ixtisar etdik.

Ən ölümcül silahlar bizdədir. Yaxın Şərqdə insanların bir-birini bombalamasını istəmirik.

Ərəb Yarımadasında da həyəcanverici bir dövrə daxil oluruq. 8 il əvvəl bu zalda idim. Sərgidə gördüklərim və Məhəmmədin mənə göstərdikləri möhtəşəm idi. Çoxsaylı müxtəlif qüllələr gördüm. Çox həyəcanlı idi. Gözəl iş görürük. Bu, həyəcanverici bir dövrdür."