Azərbaycan News Agency

Ağ Evdə verdiyi açıqlamada Tramp hərbi bazaya edilən hücumla bağlı istintaqın davam etdiyini qeyd edib.

Tramp qurbanlar üçün dua etdiklərini bildirərək deyib: “Yaralıların tezliklə sağalacağını ümid edirəm. Amma baş verənləri əsla unutmayacağıq. Bu dəhşətli adam cəzalandırılacaq.”

Tramp, Apple şirkətinin bu gün 600 milyard dollarlıq investisiya edəcəyini açıqlayacağını deyib. Trampın çıxışından əsas məqamlar:

“Əsas plandan 100 milyard çoxdur. Bu, Apple-ın ABŞ-da etdiyi ən böyük sərmayə olacaq.

Kentukki ştatında dünyanın ən böyük ağıllı şüşə istehsal zavodunu quracağıq.

İllərlə texnologiya nəhəngləri xaricdə istehsal edib ABŞ-a ixrac edirdilər. Amma Tramp rəhbərliyi ilə biz ABŞ-ı texnologiya istehsalı üçün ən yaxşı yerə çevirmək üçün hər şeyi edirik.

Yanacaq və benzin qiymətləri azalıb. Daha da azalacaq. Ərzaq qiymətləri düşüb. Artan yeganə şey – səhmlərin qiymətidir.

Gömrük rüsumları ilə yüz milyardlarla dollar gəlir əldə edirik. Avropa İttifaqı ilə razılaşma əldə etmişik. Bizə yüz milyardlarla dollar ödəyəcəklər. Yaponiya da ödəyir. Bir çox ölkə ilə razılaşma mərhələsindəyik.

Biz hələ yeni başlamışıq. Böyük bir ölkəmiz var. Ölkəmiz çox zəngin olacaq. Apple kimi şirkətlər evə qayıdır. Onların dönməsini istəyirik və onlara yaxşı davranacağıq.

Yarımkeçiricilər və çiplərlə bağlı böyük gömrük rüsumları tətbiq olunacaq – təxminən 100%. Amma ABŞ-da istehsal edirsinizsə, sıfır vergi olacaq.

Hələ uzun bir yol var, amma Putin və Zelenski ilə görüş ehtimalı çox yüksəkdir. Qəti heç nə demirəm. Bu şəxs məni əvvəlcə məyus etdi. Amma biz 5 müharibəni dayandırdıq. İranın nüvə silahı əldə etməsinin qarşısını aldıq – cəmi 2 ay qalmışdı.

Bu, mənim müharibəm deyil. Əgər 4 il əvvəl prezident olsaydım, bu müharibə başlamazdı. Bu, Baydenin müharibəsidir. Onun dönəmində başladı. Trampdan heç kim torpaq almadı. Mən ölümləri və müharibəni dayandırmaq üçün buradayam.

Böyük irəliləyiş əldə etmişik. Hindistan – Çinə ən yaxın ölkələrdən biri – Rusiyadan neft alan ölkələrə 50% gömrük rüsumu tətbiq etmişik. Bunun əlaqəsi varmı, bilmirəm. Amma bu günki görüşlər çox konstruktiv idi.”