Azərbaycan News Agency

ABŞ Prezidenti Tramp, Rusiya Prezidenti Putinlə keçirdiyi görüşlə bağlı açıqlama verib.

Tramp bildirib ki, Putin onu ad günü münasibətilə təbrik etmək üçün zəng edib, lakin əsasən İran mövzusunda danışmaq istədiyini deyib və uzun müddət bu barədə söhbət etdiklərini vurğulayıb.

O qeyd edib ki, Rusiya–Ukrayna məsələsinə çox az vaxt ayırıblar: “Bu mövzunu gələn həftəyə saxladıq. Planlaşdırılmış məhkum mübadiləsi həyata keçirilir. Hər iki tərəfdən də çoxlu sayda məhkum dərhal mübadilə olunur.”

Tramp, Putinlə təxminən 1 saat danışdıqlarını qeyd edib: “O da, mən də İsrail–İran müharibəsinin sona çatmalı olduğunu düşünürük. Mən də ona onun müharibəsinin də sona çatmalı olduğunu dedim.”