Azərbaycan News Agency

Yermak açıqlayıb ki, Ukraynanın Xarici İşlər nazirinin müavini Serhiy Kyslytsya ilə birlikdə Nyu-Yorkda ABŞ Prezidenti Donald Trampın xüsusi nümayəndəsi Stiv Vitkoff ilə görüş keçirib.

O, əsas prioritetlərinin həqiqi diplomatiyanı irəli aparmaq və Vaşinqton sammitində əldə olunmuş bütün razılaşmaların icrasını təmin etmək olduğunu vurğulayıb və səylərin koordinasiya edildiyini qeyd edib.

Yermak deyib ki, Rusiya müharibəni bitirmək üçün heç nə etməyib və açıq şəkildə düşmənçiliyi uzadır:

“Ukrayna, Prezident Trampın və bütün tərəfdaşların ən qısa müddətdə davamlı sülhə nail olmaq əzmini dəstəkləyir. Ukrayna, ABŞ tərəfindən irəli sürülən bütün sülh təşəbbüslərini alqışlayır. Lakin təəssüf ki, onların hər biri Rusiya tərəfindən əngəllənir.”

O əlavə edib ki, onlar liderlər səviyyəsində birbaşa danışıqlara açıqdır və ən geniş məsələlər dairəsini müzakirə etməyə hazırdırlar: “Biz hesab edirik ki, Rusiyanın həqiqətən sülhə doğru irəliləməyə və xüsusən də bu məqsəd üçün həlledici əhəmiyyətə malik liderlər görüşləri keçirməyə hazır olduğuna əmin olmaq üçün qlobal təzyiq lazımdır.”