Azərbaycan News Agency

Ukrayna Prezidenti Volodimir Zelenski Çexiya ilə strateji tərəfdaşlığa verdikləri əhəmiyyəti vurğulayaraq, bu çətin dövrdə Ukraynaya və ukraynalılara göstərdikləri dəstəyə görə Çexiyaya təşəkkür edib.

Zelenski bildirib ki, parlament seçkilərində qalib gələn partiyanın lideri Andrej Babiş ilə görüş keçirib, onu qələbə münasibətilə təbrik edib və uğurlar arzulayıb. Görüş zamanı Babiş Ukrayna xalqının Rusiyanın təcavüzünə qarşı mübarizəsində göstərdiyi cəsarəti yüksək qiymətləndirib.

Zelenski qeyd edib ki, ABŞ, Avropa və digər ölkələrlə birlikdə ədalətli sülhün əldə olunması üçün aparılan diplomatik səylər barədə məlumat verib. Hər iki lider yaxın vaxtlarda keçiriləcək görüşdə əməkdaşlığın daha da gücləndirilməsinə dair addımları müzakirə etmək barədə razılığa gəliblər.