Azərbaycan News Agency

Ukrayna Prezidenti Zelenski Ankarada keçirilən birbaşa danışıqlara ev sahibliyi etdiyinə görə Prezident Ərdoğana təşəkkür etdi və bildirdi: “Bu, bizim ehtiyac duyduğumuz bir mesaj idi”.

O bildirdi ki, Ukrayna danışıqlarda Xarici İşlər Nazirliyi, Prezident Aparatı, ordu və bütün kəşfiyyat qurumlarının nümayəndələrinin daxil olduğu yüksək səviyyəli heyətlə iştirak edib və bu heyət ədalətli və davamlı sülh üçün hər cür qərar qəbul etməyə hazırdır.

Zelenski danışıqların Türkiyə Prezidenti Ərdoğan və türk nümayəndə heyəti ilə başlayacağını, ABŞ tərəfi ilə də təmasda olduqlarını və Vaşinqtonun da yüksək səviyyədə təmsil olunmasının gözlənildiyini qeyd etdi.

O əlavə etdi ki, Rusiyanın nümayəndəlik səviyyəsinə dair hələlik rəsmi təsdiq almayıblar və “indiyədək müşahidə etdiyimiz mənzərə daha çox teatr səhnəsini xatırladır. Ərdoğanla görüşdən sonra növbəti addımlarımızı müəyyən edəcəyik” dedi.