Azərbaycan News Agency

Ukrayna Prezidenti Volodimir Zelenski NATO-nun Baş katibi Mark Rutte ilə telefon danışığı aparıb.

Zelenski bildirib ki, cəmi iki gün ərzində Avropadakı NATO tərəfdaşlarından ABŞ silahlarının alınması üçün 1 milyard dollardan çox dəstək təmin olunub: “Bu, NSATU mexanizminin işlədiyini və Haaqada keçirilmiş NATO Zirvəsində qəbul edilən qərarların həyata keçirildiyini göstərir. Mark, həmçinin bu təşəbbüsə qoşulmağa hazır olan digər ölkələrlə aparılan işlər barədə də yenilənmiş məlumatlar paylaşdı. Mən də Rusiyanın intensiv şəkildə bombaladığı Xarkov və digər Ukrayna şəhərlərindəki vəziyyət, cəbhə xəttindəki hadisələr və müdafiəçilərimizin ehtiyacları barədə məlumat verdim.”