Azərbaycan News Agency

Prezident Zelenski bildirib ki, ötən gecə Rusiyanın şəhərlərə və infrastruktur obyektlərinə qarşı hava terroru bir daha davam edib.

O qeyd edib ki, əsas hədəflər enerji obyektləri olub: “Doxsan altı hücum PUA-sı buraxılıb, onların əksəriyyəti vurulub, amma təəssüf ki, hamısı deyil. Dünən axşam Rusiya Xarkov şəhərinə hava bombaları ataraq şəhər xəstəxanasını vurub və 57 nəfəri yaralayıb. Bölgədəki enerji infrastrukturu da zərbə alıb. Kirovohrad bölgəsində iki yaşayış məntəqəsində yerləşən dəmiryolu obyektləri də daxil olmaqla mülki infrastruktur zədələnib.”

Zelenski əlavə edib ki, Sumı bölgəsində enerji obyektlərinə və bir müəssisəyə də hücumlar olub:

“Donetsk bölgəsi də hücuma məruz qalıb. Lazım olan hər yerdə aidiyyəti xidmətlər işləyir, xilasetmə əməliyyatları davam edir. Əmək sərf edən hər kəsə təşəkkür edirəm. Rusiya hər gün və hər gecə elektrik stansiyalarına və ötürmə xətlərinə hücum edir, qaz obyektlərimiz də hücum altındadır. Dünya Moskvanı belə amansız hücumlar həyata keçirmək imkanından məhrum edə bilər.”