Azərbaycan News Agency

Ukrayna Prezidenti Volodimir Zelenski bəyanatında deyib: “Dünən gecə xalqımıza, enerji sektorumuza və mülki infrastruktura hücumlar edildi.” O, Rusiyanın Ukraynaya 300-dən çox hücum PUA-sı və 37 raket atdığını, onların böyük hissəsinin ballistik olduğunu qeyd edib.

Zelenski bildirib ki, Vinnitsa, Sumi və Poltava bölgələrindəki infrastruktur hücuma məruz qalıb, Çerniqov bölgəsindəki Nijnin şəhəri vurulub, poçt binası zədələnib və bir nəfər yaralanıb. O əlavə edib:

“Xarkov bölgəsində düşmən kritik infrastrukturu və Dövlət Fövqəladə Hallar Xidmətinin bir hissəsini hədəf alıb. Yaralılar var. Qurtarma işləri hər yerdə davam edir. Fövqəladə hallar xidməti işləyir.”