Azərbaycan News Agency

Pentaqon sözçüsü Şon Parnell bildirib: “Çağırışa cavab verən əsgərlərimiz sayəsində Los-Ancelesdə qanunsuzluq azalır. Buna görə də nazir Kaliforniya Milli Qvardiyasından 2000 nəfərin federal mühafizə missiyasından geri çağırılmasını əmr edib.”

Bu qərar Trampın iyunun 7-də 2000 Milli Qvardiya əsgərini göndərməsi və bir neçə gün sonra daha 2000 nəfər əlavə etməsindən sonra verilib.

Kaliforniya Milli Qvardiyası, ABŞ Göç və Gömrük İdarəsi və Daxili Təhlükəsizlik Nazirliyinin Cənubi Kaliforniyada yoxlamaları gücləndirməsindən sonra Los-Ancelesdəki etirazlara cavab olaraq səfərbər edilib.

Kaliforniya qubernatoru Qavin Nyusom çərşənbə axşamı verdiyi açıqlamada Trampa və Müdafiə Nazirliyinə “hamını dərhal evə göndərin” çağırışı ilə cavab verib.

Qavin Nyusom deyib: “Bir aydan artıqdır ki, Milli Qvardiya üzvləri ailələrindən, icmalarından və mülki işlərindən uzaqlaşdırılıb ki, Prezidentin Los-Ancelesdəki siyasi alətlərinə çevrilsinlər. Təxminən 2000 nəfər tərxis olunmağa başlayıb, qalanlar isə missiyasız, istiqamətsiz və geri dönməyə ümid etmədən xidmətə davam edirlər.”

Los-Ancelesin meri Karen Bass qvardiya sıralarındakı ixtisarı alqışlayaraq bunu “Los-Anceles xalqının birliyi və möhkəmliyi sayəsində baş vermiş bir geri çəkilmə” kimi qiymətləndirib.

Bir mətbuat konfransında o bildirib: “Ümid edirəm ki, rəhbərlik bunu eşidib. Əsgərlərimiz xarici torpaqlarda düşmənlərlə döyüşmək üçün hazırlanıb. Onlara burada heç vaxt ehtiyac olmayıb. İndi də yoxdur.”