Azərbaycan News Agency

Almaniya kansleri Mersin çıxışından əsas məqamlar:

“Avropa ölkələri olaraq indiyə qədər Rusiya əleyhinə 18 sanksiya paketi elan etmişik. Ukrayna müharibəsinin dayandırılması ilə bağlı amerikalılarla da danışıqlar aparırıq. ABŞ Prezidentinə açıq şəkildə bildirdik ki, sülh naminə Avropa və Ukraynalı tərəfdaşlarına güvənə bilər.

Ukrayna müharibəsinin sona çatdırılması üzrə aparılacaq danışıqlarda mütləq masa arxasında olmalıdır.

Avropanın və Avropa təhlükəsizlik maraqlarının Alyaskadakı danışıqlarda qorunmalı olduğunu düşünürük. Təhlükəsizlik təminatları olmadan sülh ola bilməz. Təhlükəsizlik təminatları çox güclü olmalıdır. Ukraynanın suverenliyinə hörmət edilməlidir.

Heç bir halda Rusiyanın işğal etdiyi torpaqlar tanına bilməz. Lakin Ukrayna üçün sülh ümidləri var. Əlimizdən gələni edirik.”

Ukrayna Prezidenti Zelenskinin çıxışından əsas məqamlar:

“Ukraynanın gələcəyi Ukraynasız müzakirə oluna bilməz. Biz bu danışıqların bir hissəsi olmalıyıq. İlk növbədə atəşkəsə, sonra isə təhlükəsizlik təminatlarına ehtiyacımız var. ABŞ Prezidenti Tramp, Amerikanın bizi dəstəkləməyə hazır olduğunu dedi.

Onlar açıq şəkildə bildirdilər ki, Rusiyanın Ukraynanın hər hansı müdafiə ittifaqına qoşulmasına veto hüququ yoxdur. Rusiyaya qarşı sanksiyaların əvvəlki kimi indi də çox vacib olduğunu vurğuladıq. Cəbhədəki vəziyyəti də müzakirə etdik.

Avropa və Amerika liderlərinə dedim: Putin blöf edir. O, hazırda hər yerdə hücum edir, cəbhəni yarmağa çalışır və Ukraynanı işğal edə biləcəyi təəssüratını yaratmağa çalışır. Lakin bu, qətiyyən mümkün deyil.”