Azərbaycan News Agency

Prevo bildirib ki, Tanzaniyadakı vəziyyət son dərəcə narahatedicidir, qarşıdurmalar nəticəsində ölənlər var və zorakılığın artma riski yüksəkdir.

O, Brüsseldəki belçika rəsmilərinin və Dar es Salaamdakı səfirliyin vəziyyəti yaxından izlədiyini və yerli belçika icması ilə əlaqə saxladığını qeyd edərək bütün belçikalılara səfərlərini təxirə salmaq tövsiyəsində bulunub.

Prevo, hazırda Tanzaniyada olanlara da müraciət edib: “Təhlükəsiz qalın və lazımsız səfərlərdən çəkinin, səfirlik tərəfindən paylaşılan təhlükəsizlik təlimatlarına diqqətlə əməl edin və Travellers Online vasitəsilə varlığınızı qeydiyyatdan keçirin ki, ən son məlumatları əldə edəsiniz.”

O, bütün tərəfləri təmkinli olmağa çağırıb və mülki əhalinin qorunmasının və əsas hüquqların təmin edilməsinin vacibliyini vurğulayıb.